首頁 > [衰議員] > [衰議員] 白鴿黨呃錢 鐵頭仁賣假畫

[衰議員] 白鴿黨呃錢 鐵頭仁賣假畫

白鴿黨呃錢 鐵頭仁賣假畫

民主黨(白鴿黨)變呃錢黨?白鴿黨本月初舉行黨慶籌款晚宴,向本港政商界名人揼心口,但原來當晚由該黨前主席何俊仁(鐵頭仁)捐出拍賣、聲稱係國畫大師黃永玉手筆嘅《花鳥》畫係假畫,以三十萬元投得呢幅假畫嘅前商務及經濟發展局局長馬時亨(肥亨)頓變苦主。黃永玉兒子黃黑蠻就對白鴿黨賣假畫感到遺憾,而該黨就急急發聲明向黃永玉同肥亨道歉,仲話會向肥亨回水添!

鐵頭仁捐出嘅黃永玉大師畫作《花鳥》,已證實係假畫。

白鴿黨本月四日喺尖沙咀一間酒樓舉行十九周年黨慶晚會,期間仲拍賣籌募經費。鐵頭仁當晚捐出一幅聲稱係黃永玉所畫嘅《花鳥》拍賣,呢幅畫底價十五萬元,最後由肥亨以三十萬元投得,當晚席間更有人大嘆以三十萬元投得黃永玉畫作認真超值,但點都估唔到肥亨會中招。

不過,黃黑蠻前晚就喺微博發貼,話白鴿黨嗰晚拍賣嘅「黃永玉」畫作其實係「拙劣偽作」。我哋於是致電黃黑蠻,佢就話白鴿黨拍賣嘅畫只係將佢爸爸嘅畫東抄西抄,並唔係佢爸爸畫嘅,仲話三年前有朋友攞過呢幅畫畀佢睇,佢已經指出係假畫。佢仲話,已經同爸爸講咗件事,但可能外間賣假畫嘅情況太多,所以爸爸都係「哦」咗一聲就算。黃黑蠻就對白鴿黨拍賣偽作感到遺憾,覺得佢哋喺拍賣前應先行鑑定咁話。

白鴿急認衰 承諾退款
事件通天後,白鴿黨急急發表聲明,話該黨已經同黃永玉家人聯絡,告知當晚佢哋拍賣嘅畫係偽冒,仲向黃永玉同肥亨道歉,又強調該黨對畫作係偽冒一事絕不知情,佢哋會取消呢項拍賣,並向肥亨回水。不過,幅畫究竟係邊個人畀鐵頭仁,同埋幾時畀,至截稿前鐵頭仁都冇回覆。

咁啱尋日擺酒嫁女嘅肥亨就喺酒店回應投得假畫一事,佢話白鴿黨主席劉慧卿已親自致電同佢道歉,仲承諾退返三十萬元畀佢。佢又話自己唔識鑑賞畫作,特別係中國畫,早前得知有黃永玉畫作拍賣,覺得好興奮,於是決定競投,依家知道幅畫屬偽冒都有少少失望,但佢相信白鴿黨都係無心之失,唔係故意喎。

本文連結 : http://orientaldaily.on.cc/cnt/news/20131015/00176_084.html

分類:[衰議員]
  1. 仍無迴響。
  1. No trackbacks yet.

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: