首頁 > [官僚] > [官僚] 曾蔭權應被譴責

[官僚] 曾蔭權應被譴責

曾蔭權應被譴責

前廉政專員湯顯明涉濫用公帑豪飲豪送兼外遊惹全民公憤,前廉政公署人員查錫我炮轟貪湯行事離譜、「出咗名」愛飲酒,質疑同因連串貪腐醜聞、正接受廉署調查的「貪曾」前特首曾蔭權爵士,當年仍一意孤行委派一名「醉貓」任廉政專員,「就係幫佢吼住個背脊」,「如果真係咁,曾蔭權先生真係好唔要得」,又重申湯顯明長時間且頻密違規,曾蔭權作為其上司,「唔知,你就係無能,知而唔去處理,就係縱容同包庇」,指廉政公署今日出現問題,「湯顯明第一個要負責,第二個要負責就係曾蔭權!」更認為曾蔭權應被譴責。

貪曾(左)被指委任有醉貓之稱的貪湯(右)任廉政專員,疑「為自己吼住背脊」。

「貪酒成性 喺AO海關出晒名」
曾經出任廉署執行處總調查主任的大律師查錫我,昨日出席電台節目的時候指出,對湯顯明行為極之反感,指權力使人腐化,若問題出於一個部門的首長,「好攞命、好難搞」。

而委任湯出任廉政專員的曾蔭權,同樣應被譴責:「其實大家都知,喺AO(政務官)入面、喺海關入面都出咗名,佢(湯)係鍾意飲酒……有個花名叫做醉貓o架喎,咁點解你(曾)要委派一個醉貓去做廉政專員?不禁令人哋有好多諗法!」

查錫我質疑:「坊間有個講法,曾蔭權本身都係貪小便宜,有冇大貪我唔知,依家仲未完件案,起碼我哋睇到佢係貪小便宜,佢搵佢(湯)嚟就係幫佢吼住個背脊,如果真係咁嘅話,曾蔭權先生真係好唔要得!為咗個人利益去做呢啲嘢」。

「知醜聞就包庇 唔知就無能」
貪曾作為貪湯上司,查錫我質疑曾蔭權能力,認為曾蔭權無理由不知道湯顯明的行為,「要公平啲,如果偶一為之,一次嘅,你唔知唔出奇……但長時間、咁頻密發生嘅事情,你作為上司,你話唔知呢,你係無能,如果知,你唔去處理呢,就係縱容同埋包庇」,因此不論貪曾知與不知,「我認為曾蔭權應該被譴責嘅!」

貪曾及貪湯關係千絲萬縷可謂人盡皆知,湯一直被視為曾的愛將,湯○九年屆六十歲退休之齡,理應退任廉政專員一職,但仍獲貪曾秘密續約三年,令二人任期於去年六月三十日一同結束,被指「明益自己友」。

本文連結 : http://orientaldaily.on.cc/cnt/news/20130915/00176_020.html

分類:[官僚]
  1. 仍無迴響。
  1. No trackbacks yet.

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: