[投訴版] 非法晾曬嚴重 房署懶執法

非法晾曬嚴重 房署懶執法

朱先生日前行經青衣長康邨，發現康安樓對出公園有大量晾曬衣物，除供兒童遊玩的「火車頭」淪為晾衫架外，更有人自行在公園範圍內綁起繩索晾衣，對使用者造成嚴重滋擾，「咁搞法個公園邊會有小朋友入去玩，房署應該睇緊啲啦！」

長康邨公園經常充斥大量非法晾曬衣物，令居民無法享用園內設施。

房屋署發言人表示，該處附近早已張貼嚴禁晾曬通告，倘職員於日常巡察時發現有居民於非指定地點晾曬衣物，亦會即時作出勸喻，若警告無效則將衣物檢走，並執行「屋邨管理扣分制」，住戶一經證實違反項目可被扣三分。

不過，朱先生卻直指非法晾曬情況仍無日無之，質疑房屋署「講多過做」，「啲罰則的確係好有阻嚇性，但我依然見唔到有任何改善，咁究竟房署有冇真係去扣嗰啲人分？定講多過做？」朱促請房署職員切實執法，打擊屋邨非法晾曬問題。

本文連結 : http://orientaldaily.on.cc/cnt/news/20120410/00196_002.html