[警隊] 禁區竟變私人泊位

禁區竟變私人泊位

位於清水灣道8號上層的交通交匯處設有專線小巴站及的士站，交通非常繁忙，當局遂設立禁區，嚴禁其他車輛停泊。不過黃先生發現不少私家車司機視禁令如無物，「大大個牌話唔畀泊車，但就冇人理，個個當免費泊位咁泊，試過泊到小巴都轉唔到彎！」

交匯處屬不准泊車範圍，但仍有車主無視禁令違泊。

警方發言人表示，一直關注上述情況，並不時派員巡邏及採取票控行動。由今年三月至今，已於上址進行超過一百二十次交通管制行動，共向違例泊車人士發出二十五張定額罰款通知書和作出三十七次口頭警告，並會繼續留意上址情況。

「初初的確係成日有交通警嚟巡，嗰陣就好少違泊，但之後少咗巡，啲車又即刻出現番！」黃先生期望警方言出必行，日後加強巡邏及檢控，以阻嚇違例人士，令交通回復暢順。

本文連結 : http://orientaldaily.on.cc/cnt/news/20120910/00196_002.html

[衰議員] 陳家偉鬼祟復出

陳家偉鬼祟復出

尋日立法會選舉嘅採訪、告急通知短訊滿天飛，其中民主黨（白鴿黨）九龍西嘅一個採訪通知短訊，下款聯絡人寫上一個熟悉嘅名字，令好多人見到都打個突話：「唔通係嗰個家偉？」無錯！呢個「家偉」就係去年喺尖沙咀香檳大廈自掏腰包同鳳姐「訪談」，但之後又搞到要辭去白鴿黨總幹事一職嘅陳家偉。

陳家偉
「訪談」主角陳家偉潛咗水一排，選舉先嚟復出，真係勇氣可嘉！但白鴿黨張文光就話今次陳家偉只係幫佢哋安排行程，唔係做前線工作。

陳家偉就話，佢今次只係用義工身份幫吓手，得閒送吓水、送吓貨咁。但當我哋去到採訪現場，諗住同陳家偉訪談吓嘅時候，佢已經唔知走咗去邊。唔怪得佢當日被撞破「訪談」後，可以飛奔落四層樓跑出大廈，追到記者索晒氣囉。

本文連結 : http://orientaldaily.on.cc/cnt/news/20120910/00176_093.html